Ang huling araw..

Oo, tama ang nabasa mo.

Eto na nag huling araw ko. Huling araw bilang isang "teen-ager."

Hindi naman ako naniniwala dito dahil alam ko na pagkatapos ng 19 (Nineteen) e meron pang kasunod na "Twenteen." Syempre, biro lang. ü

Anyway, na-enjoy ko naman kahit papano ang aking pagiging teen. Kahit medyo bitin, ok lang.

Hmm. Siguro sa pagakyat ko sa panibagong yugto ng buhay ko, maraming bagay ang magiging iba.

Handa na ba ko sa mga ito? Hindi ko rin alam. Pero syempre, I'm looking forward sa mga bagay na 'to. (hanap-thrill kumbaga.)

Pero take note: magbago man ang edad at pisikal na itsura ng isang tao, mananatili pa rin sa kanya ang mga bagay na nakasanayan na. (Buti na lang, kasama dito ang pagb-blog.)

Ayun lang. wala na rin akong maisip e. Siguro sa ilan pang mga araw, may mga bagong posts na dito.

------------

At batay na rin sa isang komento sa aking huling post na galing sa ating kaibigang si SuperJaid, nami-miss na daw kuno ang aking mga banat at cheesy lines. Kaya SJ, binabalik ko na ang pagiging korni ko.. Eto ang ilan sa mga cheesy lines:

------

si Boy at si Girl sa isang Internet Cafe.
habang nagfe-Facebook si Girl:

Boy: ui alam mo, sana post na lang ako sa Facebook.

Girl: ha? bakit mo naman nasabi yan?

Boy: para pwede mo kong i-Like. ü

--------

Date si Boy at Girl
nag meet sila sa isang restaurant when suddenly, may napansin si Boy:

Boy: Ano ba yan suot mong damit, sobrang iksi.

Girl: Ok, sorry.

Boy: Gusto ko bukas , mahabang mahaba ung susuot mo ha?

Girl: Madre ba ko ha?

Boy: Tapos magsuot ka din ng belo bukas ok?

Girl: 'Di ka na nakakatuwa ha!

Boy: Tapos susuotan kita ng singsing. "Will you marry me?"

-------

Alam mo, hindi lahat ng ginagawa mo natutuwa ako..




minsan kasi, Kinikilig din ako. ü

------

yan na lang muna. baka maubusan ako e. ü

pano ba yan, bukas na lang ulit.